Os nosos concellos serán estes días un fervedoiro de actividades a prol da igualdade de dereitos entre homes e mulleres e en contra de todo tipo de discriminación. En Rianxo, o Concello, as entidades sociais con presenza no municipio e a cidadanía celebrarán este 8M (Día Internacional das Mulleres) cunha concentración na praza Castelao, no centro de vila. Será este martes a partir das 20.00 horas. A mobilización acompáñase dun lema que fala por si só dos obxectivos a reclamar: “Nin escravas, nin heroínas, mulleres con dereitos xa!”.
