Unha chamada dun particular en torno ás once da noite deste luns 28 de marzo alertou á Policía Local da aparición de lume no Parque Periurbana de San Roque. A chamada fixo que se alertase ao 112 para o envío dun equipo de bombeiros. Chegados ao lugar, os axentes puideron comprobar que estaban ardendo os teitos de palla e madeira das tres pallozas alí enclavadas.
No lugar se atopaban dous mozos que manifestaron ter visto a un home que lle tirou pedras aos seus vehículos e ao ser sorprendido dirixiuse cara as pallozas, ás que prendeu lume para logo emprender a fuxida. Efectuouse unha busca desta persoa sen lograr dar cos seu paradoiro. Segundo confirmaron fontes do Concello, arestora proseguen as pescudas sobre a autoría deste feitos vandálicos.
Ademais de Bombeiros de Ribeira e a Policía Local, tamén interviñeron o GAEM e un axente forestal. A intervención de todos estes efectivos evitaron que se espallase o lume.
O Concello de Ribeira atribúe a unha “acción vandálica” o incendio que calcinou os tellados das tres pallazas situadas no parque de San Roque desta localidade.
