O PP de Ribeira reclama a baixada de impostos de enerxía e carburantes

Os populares de Ribeira presentaron unha proposición que será debatida no pleno municipal na que insta o Goberno central a baixar os impostos da enerxía e os carburantes. Ao mesmo tempo, reclama a adopción de medidas específicas para os sectores máis afectados polo impacto económico da guerra de Ucraína, como son o transporte, as industrias electrointensivas, a pesca, a agroganadería e o turismo.

A iniciativa, que deberá ser tratada no pleno que a corporación celebrará o luns, tamén expón reverter o incremento xeneralizado de impostos, descartando a implantación de peaxes nas autovías porque supoñerían novas cargas para as familias e os sectores produtivos esenciais.

De igual maneira, o PP, a través do seu portavoz, María Sampedro, propón solicitar á Xunta para que analice, cos sectores máis afectados polas consecuencias da invasión e, en coordinación coas políticas impulsadas pola UE e polo Goberno de España, a poñer en marcha, no ámbito das súas competencias, aquelas medidas necesarias para mitigar a situación pola que atravesan estes sectores.

Portavoz popular ribeirense, María Sampedro