O Concello de Dodro organiza un percorrido en seis etapas polo Camiño de Santiago A Orixe

O Concello de Dodro, a través da área de Deportes, vai organizar os días vindeiros unha actividade para convidar á cidadanía a que coñeza o itinerario xacobeo que pasa polo termo municipal, en dirección O Barbanza e cara a terras de Sar e Compostela: o Camiño de Santiago A Orixe. Será un percorrido en seis etapas, dende o Faro de Corrubedo até Padrón.

As andainas desenvolveranse os días 26 de marzo, o 2, 9, 23 e 30 de abril, e o día 7 de maio. As inscricións deben facerse no Departamento de Deportes por orde de solicitude ata cubrir as 50 prazas dispoñíbeis (no teléfono 981 802 532 e en deportes@dodro.gal). O custo será de 36 euros, cubríndose o desprazamento en autocar ao punto de inicio e fin de cada etapa, amais dun avituallamento para cada día e seguro. Achegaranse 50 prazas. Organiza o Concello de Dodro (área de Deportes) en colaboración coa Deputación da Coruña.

Segundo informa o departamento de Deportes, “este é un camiño se Santiago diferente a outros xa cubertos polo Concello de Dodro xa que ao cruzar toda a península da Barbanza poderase desfrutar do mar durante moitos quilómetros así como de vilas mariñeiras tan singulares como Aguiño, Pobra do Caramiñal, Cabo de Cruz e Rianxo”.