A comisión executiva actual do Psde G-PSOE propón unha candidatura encabezada por José Manuel Suárez Puerta para a secretaría local de Ribeira. O socialista é concelleiro na corporación municipal desde xaneiro do pasado ano, cando ocupou a acta trala renuncia de Rita Rial.
José Manuel Suárez-Puerta postúlase como o substituto de José Manuel Vilas, que non pode repetir como secretario da agrupación ao levar xa 12 anos no cargo xa que os estatutos do partido establecen que ese é o período máximo para ocupar a secretaría. A asemblea está fixada para as dez da mañá en primeira convocatoria e para media hora máis tarde en segunda.
Os candidatos deberán presentar unha lista pechada na que figuren tamén os nomes das persoas propostas para desempeñar, como mínimo, os postos de secretaría de organización, política municipal e administración.
