As alumnas e alumnos do cuarto Ciclo da Universidade de Santiago que está a realizar á súa aprendizaxe na súa sede en Ribeira levaron a cabo unha viaxe de estudos á cidade da Coruña como complemento á súa formación.
Os veciños estiveron acompañados da súa profesora de Historia da Arte, María Dolores Barral Rivadulla, e aproveitaron para visitar entre outros puntos a exposición retrospectiva do fotógrafo de Peter Lindbergh Untold Stories, que se exhibe ata o 31 de marzo no peirao de Batería do porto herculino.
Unha vintena de alumnos están a participar no curso do IV Ciclo da USC, que está dirixida a persoas maiores de 50 anos, sendo esta a súa terceira edición no noso municipio. Desenvolverase ata o mes de maio, con materias como Nutrición, Aprendizaxe Emocional e Benestar, Patrimonio Bibliográfico e Documental, Introdución á Zooloxía, Psicoloxía e Historia da Arte.
