O salón de plenos acaba de ser escenario do recibimento aos ribeirenses Adrián Pego e Juan Vicente Figueiras logo dos seus éxitos acadados coa Selección Española na Copa do Mundo da Federación Internacional de Kenpo, que se disputou a pasada fin de semana en Caldas da Rainha (Portugal) no que o primeiro dos deportistas mencionados obtivo dous ouros en full kenpo e submissión, en tanto que o segundo acadou unha medalla de prata en full kempo.
O acto estivo presidido polo alcalde Manuel Ruiz e contou coa participación, ademais dos dous deportistas mencionados, doutros integrantes do club no que militan, o Kenpo Pobra, entre eles o seu
adestrador Miguel Pérez, que tamén estivo na localidade lusa en calidade de coach. Tamén estiveron presentes diversos edís da Corporación Municipal.
O alcalde felicitou aos deportistas laureados e salientou a importancia do non darse por vencido para conquerir resultados, como nos teñen demostrado deportistas como Ana Peleteiro ou Rafa Nadal.
O acto concluíu nos soportais do Concello cunha foto de familia.
