O Concello de Ribeira informou do pavimentado de tres lugares na parroquia de Artes: na Gándara, en Sego e máis no acceso ao río Artes-Sanchanás. Os traballos, levados a cabo a cabo esta semana, suman un valor de 69.310 euros.
Concretamente, este mércores 9 de marzo pavimentouse con aglomerado asfáltico un camiño situado no lugar de Sego, incluídos os sobreanchos: unha intervención incluída no Plan Complementario do POS+2019 que comportou un investimento de 23.494 euros, IVE incluído.
Ademais, este xoves 10 os operarios traballaron no veciño lugar de Gándara, preto do Centro Recreativo. Neste caso a actuación enmárcase no POS+2020 e inclúe tamén a extensión dun novo aglomerado asfáltico incluíndo os sobreanchos de terra. Supón unha inversión de 34.413 euros, IVE incluído.
Este mesmo xoves traballouse igualmente nun camiño de acceso ao río Artes-Sanchanás, asfaltándoo con aglomerado conforme a un importe de 11.403 euros.
As tres actuacións foron realizadas pola empresa Nemesio Ordóñez, S.A., ao ser a adxudicataria dos traballos.
