O Concello de Rianxo, a través da Concellaría de Cultura, Museos e Mocidade, informou de que “por mor da climatoloxía adversa para a tarde de hoxe, martes 1 de marzo, as actividades previstas do Entroido rianxeiro na praza Castelao trasládanse finalmente ao Auditorio Municipal”.
A axenda deste martes primeiro de marzo arrinca no novo emprazamento ás 16.30 horas, con obradoiros, xogos e animación a cargo de Infantilandia. Ademais, ás 18.30 horas, está prevista (na nova localización) unha actuación de circo, humor e escapismo a cargo de Natalia Outeiro, Pajarito, que trae a Rianxo o seu espectáculo A vida tola.
