As actividades do Entroido deste martes en Boiro serán no Pavillón do Santa Baia


A Concellería de Cultura do Concello de Boiro traslada o concurso de disfraces e demais actividades de Entroido previstas para a tarde deste martes para o pavillón do CEIP Santa Baia debido á previsión de choiva. Manterase o concurso de comparsas e disfraces, a animación e o DJ para nenos e nenas.

O programa de actividades mantense segundo o previsto e, a partir das 16.00 horas, comeza a animación musical con DJ no pavillón do CEIP Santa Baia. Ás 17.00 horas comezarán as actuacións dos grupos O mundo do circo, Latexo percusión, Adorniña de Abanqueiro, As da boina e Nunca é Tarde e o desfile de disfraces.

As inscricións para o concurso de comparsas e disfraces estarán abertas antes do desfile. Ás 19.00 horas farase a entrega de premios e continuará a animación e o DJ.