Aprazada por COVID a función deste venres en Ribeira polo Día Mundial do Teatro

O Concello de Ribeira vén de informar de que debido a detección de positivos en COVID no elenco da compañía tivo que ser aprazado ata nova data o espectáculo previsto para este venres 25 de marzo, ás 21:00 h, no auditorio municipal, no que con motivo da conmemoración do Día Mundial do Teatro, íase representar A lúa vai encuberta.

Porén, si que se mantén a función prevista para o sábado, na que se celebra o Día do Teatro coa comedia de enredo Un morto moi vivo! a cargo do grupo de teatro do Club de Maiores de Boqueixón. A entrada será gratuíta, ata encher aforo, con uso obrigado de máscara e inscrición no propio auditorio dende as 20:00 horas.

Grupo municipal
No marco da dita efeméride, o Grupo de Teatro Municipal de Ribeira actuará o domingo 27 de marzo en Teo. Será no auditorio Constante Liste co espectáculo O Rei Telesforo Busca Noiva (e quere noivo) o domingo 27 ás 18 horas. A entrada é gratuíta, sendo necesario reservar a entrada a través da páxina municipal de Teo.