As actividades que estaban previstas para este martes de Entroido na Pobra do Caramiñal adíanse debido ao mal tempo. A nova data é este domingo, día 6.
O Cantón da Leña albergará xogos populares con Troskita, en horario de 12.30 a 13.30 horas, para logo proceder coa entrega dos premios ás persoas gañadoras do concurso do día 26 de febreiro, que deberán ir ataviadas cos disfraces que resultaron distinguidos.
Así mesmo, o toque musical da xornada correrá a cargo de Oito nun piso que, das 13.00 horas en diante, percorrerá as rúas da vila.
Organiza a Concellaría da Cultura da Pobra do Caramiñal, da cal é titular a edil Patricia Lojo (PSdeG-PSOE).
