A terceira edición do Boiro Emerxe congrega na ABE a empresas emerxentes no eido local

O Concello de Boiro, coa colaboración da Asociación Boirense de Empresarios (ABE), celebra este xoves 17 de marzo unha nova edición do Boiro Emerxe. Será novamente un encontro de conversas co talento local. Esta terceira edición, que se celebrará o xoves día 17 de marzo ás 20.30 horas na sede do ABE, reúne a empresas emerxentes do municipio.

Nesta edición van participar Ángel Ramallo da empresa De bo dente, un servizo de reparto de comida a domicilio; Christian Lago do local The Ginlab; a empresa Kracia, gañadora do primeiro premio no concurso de Proxectos Cooperativistas en Marketing Dixital; e Rebeca Ozores, da Clínica Dental Rebeca Ozores; e Adriana Castro Tarela, xerente da Asociación Galega de Festivais.

O obxectivo destes faladoiros é dar a coñecer o potencial creativo de creadores e creadoras do municipio e servir de inspiración e dar visibilidade ao talento local.