A Cruz Vermella organiza no Son un obradoiro de capacitación tecnolóxica para persoas maiores

Este martes 22 de marzo a Casa da Cultura de Porto do Son vai acoller un obradoiro de alfabetización dixital para persoas maiores, ao abeiro do programa de actividades formativas Rompendo Barreiras da Cruz Vermella, dirixidas a combater a fenda dixital que separa cada vez máis (sobre todo por mor da exclusión propiciada polas entidades bancarias e a pandemia) á poboación sénior do ámbito tecnolóxico.

As inscricións poden facerse a través dos teléfonos 981 825 405 e 981 867 414 (Benestar Social de Porto do Son).

En palabras da Cruz Vermella, estes obradoiros están concibidos para achegar o ámbito dixital ás persoas que “máis que nunca na pandemia” viron sumarse ás súas dificultades habituais as propias de non coñecer como acceder a moitos servizos que esixen coñecementos tecnolóxicos”.