A Asociación Boirense de Empresarios (ABE) lanzou unha nova campaña de promoción comercial con motivo do Día do Pai, este 19 de marzo. A campaña, que ten o obxectivo de incentivar as vendas e premiar e recoñecer a fidelidade da veciñanza en relación aos establecementos locais, inclúe o sorteo de 5 vales de compra de 30 euros entre todos os clientes que rexistren os seus tíckets ou facturas das compras realizada en calquera empresa asociada a ABE entre o 4 e o 19 de marzo.
Desta volta, como novidade, se as persoas agraciadas contan co título de familia numerosa dobrarán o importe do seu premio.
Como xa é habitual, os tíckets deben rexistrarse na web da ABE e o sorteo realizarase o luns 21 de marzo.
