Este venres 4 de marzo o Auditorio de Rianxo (na Sala Arcos Moldes ás 20.30 horas) acollerá a estrea do filme Aquí Tou!, en colaboración coa Deputación da Coruña, e as produtoras Undodez e Ainé. O filme é unha produción que envorca na pantalla grande un espectáculo do actor e humorista galego Xosé A. Touriñán. O filme está dirixido por Jairo Iglesias e o propio Touriñán.
En Aquí Tou!, Touriñán fai un percorrido pola súa vida, desde a súa concepción nunha noite de San Xoán, ata un posíbel epitafio. Mesturando realidade con ficción, tenrura e picardía, anécdotas propias e cultura popular galega, Touriñán lévanos da man pola súa vida cun monólogo diferente no que o tratamento visual xoga un papel primordial, o que se ve e tan importante como o que se escoita. Para reservar localidades cómpre facelo a través da web do Concello, na sección de reservas.
