Pedro Sánchez recibe aos sobreviventes e vítimas do pesqueiro galego

O presidente do Goberno, Pedro Sánchez, recibiu en Lavacolla (Compostela) aos sobreviventes e vítimas do pesqueiro galego “Villa de Pitanxo”, que chegou pouco despois da medianoite ao aeródromo militar de Santiago de Compostela, a bordo do avión fretado este pasado domingo polo Goberno de España para a repatriación dos tripulantes desde Terranova, Canadá.

Previamente á chegada do avión, o xefe do Executivo, acompañado polo ministro de Agricultura, Pesca e Alimentación, Luís Planas, mantivo un encontro con familiares dos tripulantes do “Villa de Pitanxo”.