A axenda cultural de Boiro desta segunda semana de febreiro inclúe unha cita coa maxia, concretamente co ilusionista Martín Camiña. Será este venres 11 de febreiro ás 20.00 horas, na Casa da Cultura de Boiro. Trátase dun espectáculo axeitado para público infantil e familiar. As entradas estarán á venda na Casa da Cultura de Boiro no mesmo día da función, a partir das 19.00 horas.
Martín Camiña é un presentador, mago e prestidixitador galego que malia a súa xuventude atesoura xa unha máis que recoñecida traxectoria como ilusionista, amais de ter recibido o terceiro Premio Nacional de Maxia de Cerca (Donostia, 2002) e máis a terceira posición no Congreso da Asociación Portuguesa de Ilusionismo (Albufeira 2007).
