Novo acto vandálico en Noia, o Consistorio puntos do casco histórico aparecen con pintadas

Unha empresa especializada tivo que encargarse de eliminar unha serie de pintadas que cubrían a fachada da casa do concello de Noia, a Alameda e distintos puntos do centro histórico da vila.

Desde o goberno local déronse instrucións para proceder á eliminación dos grafitis e para que se abra unha investigación para tentar identificar ou autores.

Unha das pintadas escrita con espray de cor negra facia alusións a un narco, cubrindo un dos laterais do acceso principal ao concello, un dos edificios emblemáticos da vila construído sobre o convento dos franciscanos. Tamén no chan da Alameda apareceron mensaxes así como en distintos inmobles de rúas do núcleo histórico.

Os botes de espray xa foron localizados e revisaranse as cámaras de seguridade que haxa nas zonas afectadas para tratar de identificar os responsables, aínda que o propio rexedor recoñece que será complicado localizalos tendo en conta que actuaron con nocturnidade.

Nos últimos meses Noia está a sufrir desfeitas se concentraron especialmente no mobiliario do paseo marítimo e afectaron tamén á decoración instalada nas rúas e prazas do núcleo histórico con motivo das festas do Nadal.

R