O polifacético artista e autor do popular Conxuro dá Queimada o pobrense, Mariano Marcos de Abalo, faleceu nas últimas horas. Natural da Pobra do Caramiñal, naceu no ano 1937 e trasladouse a Vigo na década dos anos 60. Mariano Marcos de Abalo ingresou no hospital hai dúas semanas tras sufrir problemas respiratorios.
Quen máis e quen menos invocou aos ” mouchos, coruxos, sapos e bruxas” envolto no aroma do augardente queimado, pero a maioría descoñecen que o seu autor residía en Vigo e que compuxo estes versos hai varias décadas.
Mariano Marcos de Abalo (Pobra do Caramiñal, 1937) completa a súa ecléctico currículo coas afeccións de humorista, debuxante, poeta, coleccionista de pipas e necrolóxicas con mote, ademais de autor de tallas de marfil e madeira e pregoeiro en numerosas festas.
CONXURO TRADICIONAL DA QUEIMADA GALEGA
Mouchos, coruxas, sapos e bruxas.
Demos, trasgos e diaños,
espritos das nevoadas veigas.
Corvos, pintigas e meigas,
feitizos das menciñeiras.
Podres cañotas furadas,
fogar dos vermes e alimañas.
Lume das santas Compañas.
Mal de ollo, negros meigallos,
cheiro dos mortos, tronos e raios.
Ouveo do can, pregón da morte;
fuciño do sátiro e pé do coello.
Pecadora lingua da mala muller
casada cun home vello.
Averno de Satán e Belcebú,
lume dos cadavres ardentes,
corpos mutilados dos indecentes,
peidos dos infernales cus,
muxido da mar embravescida.
Barriga inútil da muller solteira,
falar dos gatos que andan á xaneira,
guedella porca da cabra mal parida.
Con este fol, levantarei as chamas deste lume
que asemella ó do inferno
e fuxirán as meigas a cabalo das súas escobas,
índose bañar na praia das areas gordas.
¡Oíde, oíde! os ruxidos que dan as que
non poden deixar de queimarse
no augoardente quedando así purificadas.
E cando esta brebaxe baixe polas nosas gorxas,
quedaremos libres dos males
da nosa alma e de todo embruxamento.
Forzas do Ar, Terra, Mar e Lume,
a vós fago esta chamada:
Si é verdade que tedes máis poder que a humana xente,
eiquí e agora, facede que os espritos dos amigos que estean fóra,
participen con nós desta queimada.
Autor: Mariano Marcos de Ábalo
