Desde o venres 25 de febreiro o Auditorio de Rianxo acolle o inicio dunha nova residencia artística, desta volta coa compañía Constance Hurlé para a montaxe do seu novo espectáculo, Lara Hierro, unha peza multidisciplinar que se estreará o vindeiro xoves día 3 de marzo, ás 20:30 horas, na Sala Arcos Moldes do Auditorio de Rianxo.
Sinopse
Lara Hierro é como dixemos un espectáculo multidisciplinar protagonizado por tres mulleres da xeración milenial. Lara pon o movemento, Alma a voz e Pneuma a música para, en palabras da compañía Constance Hurlé, “falar da fráxil situación do sector cultural e da crise emocional, social e medioambiental que estamos vivindo”.
As tres figuras que compoñen a peza navegan entre o mundo cotiá e un plano de ensoño onde os seus corpos e discursos se encontran.
Lara Hierro é segundo engade a compañía “unha chamada ao recoñecemento dos sentimentos de frustración, parálise e esgotamento provocados pola pandemia e a precariedade inherente á nosa xeración”.
Ficha artística
-Dirección e dramaturxia
Constance Hurlé
-Colaboración na dirección
María Llanderas
-Interpretación
Constance Hurlé
-Coreógrafa e bailarina
Clara Ferrao
-Intérprete musical
Pilar Almalé
-Dirección do espazo sonoro
Rui Grenha
-Iluminación e escenografía
Violeta Martínez
-Vestiario
La Canalla
-Vídeo creación
Sol Álvarez
-Distribución
Celina Fernández Ponte
-Colaboración
AGADIC
Lume do Carozo
