O BNG convoca unha asemblea aberta á veciñanza este sábado 26 de febreiro ás 20:00 horas, no seu local na Rúa Amarella, 4. Os nacionalistas fan un chamamento aos veciños de Ribeira e das parroquias para que poidan achegar propostas en positivo para o municipio ser partícipes da política municipal.
O concelleiro Luís Pérez Barral explicou que, tras a baixada dos casos de coronavirus, o BNG realizará a renovación dos seus órganos tal e recollen os estatutos da organización após cada asemblea nacional e tamén volverá a desenvolver asembleas abertas como facía antes da irrupción da pandemia. “O BNG é unha organización cun proxecto propio, plural, inclusivo e aberto, por iso lle tendemos a man a todas as persoas que desexen sumar para facer unha Ribeira mellor” asegurou Barral.
Pérez Barral concluíu dicindo que “o proxecto do PP actúan unilateralmente sen escoitar á veciñanza, teñen un proxecto esgotado e fronte a iso está un BNG con ideas claras e proxecto ilusionante”.
