A Comunidade de Montes de Baroña organiza este sábado 12 de febreiro pola tarde, a partir das 16.00 horas, un obradoiro de cestería tradicional. Será, en palabras da asociación veciñal sonense, unha boa oportunidade para mergullarnos nas técnicas máis antigas e populares aplicadas na confección de cestos e outros apeiros e utensilios semellantes feitos con corres (varas flexíbeis de pólas de vimbio ou outros materiais que se poden dobrar e retorcerse para facer obxectos, coma cestos ou caínzos).
O obradoiro complementarase cun concurso no que se premiarán os mellores deseños (a Comunidade convida ás veciñas e veciños a traer os seus cestos e utensilios feitos con corres para seren sometidos á valoración dos asistentes á xornada). Máis información no teléfono 679 156 855. Celebrarase na Casa Forestal de Baroña, a carón do Campo de Fútbol de Porto do Son.
