Portosín vai celebrar o Entroido cunha xornada ateigada de actividades, organizadas pola AEP (Asociación de Empresarios de Portosín) en colaboración co Concello de Porto do Son. Será o domingo 27 de febreiro, coa praza do Curro da vila como punto neurálxico do programa previsto. Haberá un concurso infantil de disfraces con agasallos para todas as persoas participantes (e con premios directos para as teres mellores propostas) e unha degustación de produtos típicos. A xornada estará amenizada por un DJ e por monitores de animación. A festa botará o peche coa queima da Sardiña Azul. Será de obriga o certificado COVID para participar nas actividades.
