A ABE lanza unha nova campaña con motivo de San Valentín

A Asociación Boirense de Empresarios enfía este mes de febreiro acabado de estrear cunha nova campaña de promoción comercial que ten o obxectivo de “incentivar as ventas con motivo da festividade do 14 de febreiro, o Día de San Valentín”.

Ao abeiro desta campaña realizarase un sorteo de 10 lotes de agasallos entre todos os clientes que rexistren os seus tíckets ou facturas das compras realizada en calquera empresa asociada a ABE entre o 1 e o 14 de febreiro.

Os lotes de agasallos están compostos por paraugas, axendas, cuncas de porcelana e bolsas de algodón orgánico.

Como xa é habitual, os tíckets deben rexistrarse na web da ABE e o sorteo realizarase o martes 15 de febreiro.