A Policía Local de Ribeira informa de que unha condutora foi denunciada por un delito contra a seguridade viaria tras dar positivo por alcoholemia. Está previsto que este martes 18 se someta a un xuízo rápido.
Así, en torno ás tres da mañá do pasado domingo, a condutora foi observada circulando polo Malecón “de forma irregular”, a unha velocidade excesivamente lenta e ocupando o carril contrario de maneira continua, sendo incapaz de manter unha condución rectilínea por un trazado recto.
A Policía Local deulle o alto nese momento e ao entrevistarse coa condutora os axentes percibiron un forte olor a bebidas alcohólicas e observaron que falaba de forma imprecisa. Activouse entón o protocolo establecido para a realización das probas para a detección alcohólica por aire expirado. Arroxou un resultado de 0,75 mg/l.
