Volve o baloncesto á comarca do Barbanza, e faino co club Baloncesto Noia, que recibe este sábado ao Basket Club Gaia.
O Berberecho Noia vén dun importante triunfo fronte a un dos cocos da categoría, o Seis do Nadal, e atópase na sexta praza con tres triunfos en 10 encontros. En fronte terá ao Basket Club Gaia, que só suman 2 triunfos nas mesmas xornadas disputadas.
Agárdase un partido moi igualado, onde os noieses tentarán aproveitar a súa xuventude e atrevemento para dobregar aos de Redondela. En caso de gañar, os Club Baloncesto Noia sumaría catro triunfos, o que os afastaría dos últimos postos nesta primeira fase regular. O encontro disputarase no Alonso Rodríguez Egas, a partir das 20:00 horas.
