A Policía Local de Ribeira informa de que, pasadas as cinco da tarde de hoxe, axentes situados nunha gasolineira próxima foron alertados pola persoa encargada dun supermercado ubicado na avenida da Coruña de que
un individuo se levara sen pagar do interior unha bandexa de polbo conxelado.
Tras facilitar a descrición do individuo en cuestión (pantalón de chandal, chaqueta azul mariña, gorra negra con debuxos en verde), puideron localizar e identificalo no paseo de Coroso á altura da escola náutico pesqueira.
Comprobaron que, efectivamente, tiña unha bandexa de polbo conxelado, que foi intervida e devolta á responsable do
supermercado.
