O Concello de Noia abordou o punto de inflexión entre 2021 e 2022 con diversas melloras na parroquia do Obre, traballos destinados a mellorar a seguridade, a mobilidade e a accesibilidade, principalmente.
Entre os principais focos de actuación incluíuse o acondicionamento da praza do Chan de Maroñas, na que se levou a cabo á substitución do pavimento existente por formigón pulido nas zonas de tránsito rodado e enlousado granítico nas zonas de tránsito peonil.
Amais, optimizouse o alumeado na estrada Obre-Testal, achegando, en palabras do Concello, “unha mellora considerábel en materia de visibilidade”.
A maiores, púxose a punto a contorna do local social da parroquia noiesa, co pavimentado da zona.
