O Concello de Noia compartiu datos e imaxes sobre os traballos despregados no Estadio Municipal Julio Mato para mellorar e poñer a punto as instalacións, tanto dende o punto de vista estético como sobre todo funcional.
As tarefas despregadas tiveron diferentes liñas de acción, que son as que citamos de seguido:
· Instalación da cuberta da grada, que se completará en datas vindeiras con outros módulos de características semellantes aos existentes e que permitan aumentar o número de localidades para o público.
· Reparación do campo de herba artificial, co pegado das zonas levantadas; reposición do caucho e peiteado do campo.
· Limpeza e acondicionamento da parte exterior do estadio.
