O Concello de Dodro comunicou que estes días estanse a desenvolver en diferentes puntos de termo municipal os traballos para a substitución das actuais luminarias por outras máis sustentábeis, duradeiras e eficientes.
Este labor despregado nas aldeas forma parte dun proxecto subvencionado polo IDAE, dependente do Ministerio de Transición Ecolóxica, que veu cunha contía de 128.000 €. “A intención é rebaixar o gasto enerxético, e reducir ao mesmo tempo a pegada de carbono do termo municipal”, explicaron fontes do Concello. O proxecto abéirase ao programa DodroSostible.
