A patronal Boirense realizou na tarde de hoxe a entrega de premios da campaña #nadalfantastico que desenvolveuse durante as datas do nadal.
En total foron 21 os premiados, 20 con 100€ e 1 cun premio especial de 1.000 €, todos eles recibiron o importe en bonos ABE, a xa coñecida moeda da asociación, que se pode utilizar en calquera dos 192 negocios asociados e non ten caducidade.
O acto conducido polo presidente, Daniel García, acompañado polo tesoureiro Jesús Santamaría realizouse no salón de actos da ABE mantendo as máximas medidas de seguridade: distanciamento social e mascarilla.
O presidente quixo agradecer ás persoas premiadas “ o voso compromiso co comercio de proximidade ao realizar as compras na localidade, o cal redunda en beneficio do noso comercios e de todo o pobo”
A ABE quere destacar a participación na campaña que se fixo por primeira vez con rexistro online de tíckets xa que foron 3.833, todo un logro que refrenda a aposta que fixo a asociación pola dixitalización e as tics aplicadas ao comercio.
