A oposición de Ribeira acaba de presentar unha iniciativa conxunta para que, en sesión extraordinaria, o pleno municipal debata unha iniciativa para que se encarguen e presenten os estudos alternativos ao trazado da variante que vai executar a Xunta de Galicia.
E que, con máis ou menos énfase, rexeitan os catro grupos políticos que ofreceron na mañá deste venres unha imaxe de unidade en contra da xestión realizada ata o de agora polo Goberno municipal do popular Manuel Ruiz Rivas, ao que acusan de incumprir o acordo plenario aprobado en 2019.
Acordo que esixía que se encargasen tres estudos independentes sobre o impacto do actual proxecto de variante, que se atopan nunha avanzada fase de tramitación na administración autonómica, así como trazados alternativos que minimizasen o impacto ambiental e veciñal entre os residentes na zona afectada.
Segundo denunciaron os portavoces dos catro grupos municipais na oposición, “u alcalde de Ribeira, Manuel Ruiz, fixo pública a súa negativa a tratar ese asunto en pleno polo que os tres grupos vímonos na obriga de forzar un pleno extraordinario para tratalo, ante o talante anti democrático do rexedor”.
