A Escola de Música de Rianxo organiza un obradoiro todos os xoves para crianzas de 4 a 5 anos

A Escola de Música de Rianxo organiza un obradoiro musical para nenos e nenas de 4 a 5 anos. Farao entre os meses de febreiro e xuño, os xoves en horario de 16.00 a 17.00 horas, no Pazo de Rianxiño. O prazo de inscrición remata o 31 de xaneiro e pódese facer pinchando no formulario específico habilitado pola Escola de Música. O prezo do obradoiro será de 60 euros. Organiza a Escola de Música en colaboración co Concello e a Deputación da Coruña.

Para máis información cómpre enviar un correo á conta escolademusicaderianxo@gmail.com ou solicitar datos a través do teléfono 671 058 555.