Xa hai gañadores dos premios da primeira semana da Campaña de Nadal da ABE

13 Decembro 2021

A Asociación Boirense de Empresarios (ABE) informou dos gañadores nos premios da primeira semana da Campaña de Nadal da ABE na que participan todos os socios da patronal. Trátase de Mari (por facer a súa compra en Drolim), Daniel Tubío (por facela en Furancho Boiro), Delfina (Mercafrutas), Ángel Tubío (Deportes Sr. Balón) e Ricardo (Cetárea Ángel Mar). A ABE aproveitou para lembrar que o vindeiro luns 20 será o segundo sorteo, tamén de 5 premios de 100 €.

A entrega dos premios todos xuntos realizarase ao final da campaña.

O calendario de sorteos é o seguinte:

-Sorteo 1 – 500€ ( 5 premios de 100 €)

Rexistros do 4 ao 12 de decembro >> sorteo o 13 de decembro

-Sorteo 2 – 500€ ( 5 premios de 100 €)

Rexistros do 13 ao 19 de decembro >> sorteo o 20 de decembro

-Sorteo 3 – 500€ ( 5 premios de 100 €)

Rexistros do 20 ao 26 de decembro >> sorteo o 27 de decembro

-Sorteo 4 – 500€ ( 5 premios de 100 €)

Rexistros do 27 de decembro ao 2 de xaneiro >> sorteo o 3 de xaneiro

-Sorteo 5 – 1.000€ ( 1 premios de 1.000 €)

Detalles da campaña

Na Campaña de Nadal deste ano participan os 190 negocios asociados á entidade. A iniciativa seguirá o camiño deixado pola campaña de verán, que resultou un éxito dende todos os puntos de vista, poñendo en práctica o mesmo sistema de rexistro de tíckets e facturas online. A ABE correrá con todos os gastos da campaña. O presidente Daniel García salientou que “será a primeira vez dende hai mais de 25 anos en que non se repercutirá ningunha cota especial aos socios con motivo da súa participación na campaña do Nadal”.

Os premios increméntanse nun 33% respecto do ano anterior xa que serán sorteados 3.000 € en vales de compra para utilizar nas empresas asociadas, repartidos en 4 sorteos semanais de 500 € (5 premios de 100 €) e na última semana da campaña 1 sorteo de 1.000€ para un único gañador. Para participar os clientes deben realizar unha compra en calquera dos 190 socios da ABE, facer unha foto do tícket ou factura e rexistrala en www.abe.gal.

Outros artigos

Carlos Núñez regresa este mércores 24 de xullo ao Pazo de Goiáns

Logo do éxito acadado en 2023 no Pazo de Goiáns (Boiro), o noso gaiteiro Carlos Núñez volve este verán ao histórico edificio de Boiro e faino no marco da súa xira Lugares Máxicos 2024 co seu traballo Celtic Sea. O concerto é este mércores 24 de xullo ás 20.00 horas....

+

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...