Xa está dispoñíbel, en dous formatos, o Calendario Solidario 2022 de Misela

A Asociación Misela de persoas con diversidades funcionais e cognitivas, con sede principal en Noia, comunicou que xa está á venda o seu Calendario Solidario 2022, unha publicación da que podemos ver xa o making-of nas redes sociais para facernos unha idea do importante traballo que houbo detrás para darlle forma.

O calendario vén con dous tamaños: formato grande (5€) e formato pequeno (3€).

As persoas interesadas en facerse cun exemplar poden encargalo a través de Whatsapp no número 604 051 225 ou por mensaxe directa nas redes sociais de Misela. O domingo 12 de decembro a asociación estivo na porta do Concello cun stand onde foron distribuídos os produtos da entidade, entre eles o Calendario Solidario e a Lotería de Nadal. A entidade noiesa comunicará nas redes as vindeiras datas nas que está previsto volver poñer o stand.