O delegado da Xunta na Coruña, Gonzalo Trenor, estivo este 9 de decembro en Lousame para comprobar as obras realizadas no Pavillón Municipal, que foron realizadas cun orzamento total de 49.800 euros dos cales o Goberno autonómico achegou 40.000 euros. Na súa visita estivo acompañado da rexedora Teresa Villaverde.
Trenor destacou a colaboración entre o Goberno galego e o Concello, que permitiu que se levaran a cabo a limpeza de todas os perfís metálicos do edificio e a súa posterior imprimación, a renovación da carpintería, cerrallería e vidros en mal estado o revestimento, pintura e tradosado do inmobles e a sinalización e renovación do equipamento máis deteriorado.
O representante do Goberno autonómico recalcou que “o obxectivo destas achegas é a de apoiar a práctica deportiva no concellos”. Segundo indicou Trenor “trátase de contribuír a potenciar o deporte, que ten un papel transcendental na sociedade para a mellora da calidade de vida dos cidadáns”.
