A plataforma Stop Deshaucios Barbanza vén de poñer no noso coñecemento a complexa situación pola que están a pasar dúas familias de Ribeira.
Unha destas familias atópase na actualidade tentando acadar unha moratoria dos seus pagos hipotecarios ao Banco Santander, co que actualmente intenta renegociar o desembolso das cotas mensuais e acadar deste xeito un respiro nas mesmsa, ao abeiro da aplicación do Código de Boas Prácticas Bancarias. A familia ten como únicos ingresos os 1.100 euros da pensión de xubilación e teñen que seguir abonando os case 700 euros mensuais de cota hipotecaria.
Outra familia tivo estes días unha comunicación do Xulgado de Guernica, en Biscaia, pola cal que vai proceder á poxa da vivenda que teñen en Euskadi, concretamente na localidade de Ondarroa. Esta vivenda fora hipotecada pola familia para recibir un préstamo de face a emprender un proxecto empresarial que, co tempo, xeroulles importantes débedas.
