En Rianxo o Concello fixo un esforzo especial por celebrar unhas festas de Nadal que terán un importante compoñente cultural e creativo e que servirán tamén para reivindicar o comercio local e a fidelidade da cidadanía cos seus establecementos.
As actividades arrincan este venres 17, no Centro Sociocultural-Auditorio ás 21h coa pre-estrea da curtametraxe Devoradora de nenos de Fran X. Rodríguez. Organiza o Concello de Rianxo.
O sábado 18 o Cemiterio e a Casa da República de Isorna acollen un acto colectivo de homenaxe ao sacerdote e poeta local Faustino Rey Romero no centenario do seu nacemento. Organiza a Asociación Sociocultural Faustino Rey Romero e a Comunidade de Montes de Isorna, coa colaboración do Concello de Rianxo. Na mesma xornada o Auditorio acolle un concerto da Orquestra de Cámara de Galicia.
Ao día seguinte, domingo 19, o Auditorio dá acubillo ao Festival de Nadal da Asociación Vai de Roda.
O xoves 23, o Centro Sociocultural-Auditorio acollerá ás 20.30 horas un concerto de Víctor Bouzas Cuarteto. Esta actuación abéirase ao IV Ciclo de Novos Intérpretes que organizan a Escola de Música de Rianxo e Concello de Rianxo.
Os días 26, 27, 28, 29 e 30 de decembro, a praza de Castelao será o escenario da Carpa de Nadal, que estará operativa en horario de 16:00 a 19:00 horas con obradoiros, actividades multimedia, espazos de xogos,… A carpa acollerá diversos espectáculos. Por exemplo unha función de clown e escapismo a cargo de Pajarito (A vida tola) o domingo 26 ás 19.00 horas, ou o concerto Consertasso na horta a cargo de Brais das Hortas, o xoves 30 ás 19.00 horas. Organiza e promove: Concellería de Desenvolvemento Local, Comercio e Emprego do Concello de Rianxo.
O domingo 26, o Auditorio de Rianxo acollerá o Concerto de Nadal da Banda da Escola de Música de Rianxo, ás 20.30 horas. Organiza: Escola de Música de Rianxo. Colabora: Concello de Rianxo.
O mércores 29, o Auditorio dará acubillo ao concerto infantil Tecendo Soños, coa soprano noiesa Esperanza Mara e co pianista Alfredo Susavila. Será ás 18:00 horas. Organiza: Concello de Rianxo
O mércores 5 de xaneiro, a Cabalgata dos Reis Magos percorrerá durante todo o día as parroquias do concello rianxeiro. Pola mañá: percorrido por Leiro, Isorna e Asados. Pola tarde: percorrido por Araño, Taragoña e Rianxo. Organiza: Concello de Rianxo. Colaboran: entidades asociativas, empresas e particulares do Concello.
Os eventos organizados polo Concello de Rianxo deben solicitarse as reservas na web www.concelloderianxo.gal/reservas.
