Porto do Son engalánase de Nadal

O Concello de Porto do Son quixo enfiar a longa ponte festiva do 6 de decembro, malia as inclemencias do tempo, coas súas mellores galas.

En concreto, o Goberno local inaugurou este sábado 4 o alumeado urbano de Nadal.

O obxectivo non se limita a achegar un ambiente festivo a residentes e visitantes, senón tamén a contribuír a dinamizar a actividade social e comercial dos barrios, co fin de contrarrestar os graves efectos que a COVID trouxo para os establecementos.