Si a situación sigue en aumento o Conselleiro advirte de que se porán límites de mobilidade cara a fin de ano e reis.
Os contaxios diarios detectados en Galicia dispáranse a 3.100, pero a presión hospitalaria apenas sobe
Galicia acumula xa tres días consecutivos superando o seu propio récord de contagios por coronavirus, ao dispararse ata os 3.100 detectados en só 24 horas. Deste xeito, os casos activos seguen subindo ata os 22.349 e achéganse a superar a cifra máxima de toda a pandemia. Con todo, a presión hospitalaria apenas presenta variacións.
En concreto, segundo os datos publicados este sábado 25 de novembro, día de Nadal, pola Consellería de Sanidade (con información recollida ata as 18,00 horas do venres), os ingresados con covid sitúanse en 271 en total, tres máis que unha xornada atrás.
De todos eles, soben en tres, ata os 221, os enfermos en unidades convencionais de hospitalización, mentres que as unidades de coidados intensivos (UCI) mantéñense con 50 pacientes, sen variacións.
O mapa da incidencia acumulada semanal de coronavirus por municipios mostra un empeoramento evidente en toda Galicia, coas áreas da Coruña e Santiago de Compostela como as máis afectadas hoxe e as súas cidades -+243 a herculina; +81 a capital galega- totalmente disparadas. Da comarca so se salva A Pobra.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 22.349 deles 3.828 son da área da Coruña, 1.740 da de Lugo, 2.871 da de Ourense, 3.245 da de Pontevedra, 6.398 da área de Vigo, 3.196 da de Santiago e 1.071 da de Ferrol. Do total de pacientes positivos, 50 están en UCI, 221 en unidades de hospitalización e 22.078 no domicilio. Polo de agora, en Galicia hai un total de 195.243 persoas curadas, rexistrándose 2.743 falecementos. O número de PCR realizadas é de 3.224.905. O número de doses de vacina contra a covid-19 administradas é de 5.729.390. A Xunta continúa a traballar desde a máxima coordinación interdepartamental e co Ministerio de Sanidade, tamén mantendo o contacto con todos os axentes socioeconómicos de Galicia. Neste senso, Sanidade reitera que segue alerta actualizando todas as medidas e recomendacións e en vixilancia permanente.
Uso do 061 para casos graves e emerxencias e o 881 54 00 45 para dúbidas e síntomas leves
A Consellería de Sanidade reitera que a cidadanía empregue o número 061 só para emerxencias ou casos graves e aconsella utilizar o número 881 54 00 45 para consultar dúbidas ou síntomas leves de coronavirus. Sinalar, ademais, que o Sergas ten a disposición da cidadanía a páxina web https://coronavirus.sergas.gal/ na que se pode consultar información dirixida á poboación, aos profesionais sanitarios e a outros colectivos.
Rexistro de viaxeiros no 881 00 20 21 e indicacións sobre o uso da máscara
