O Rotogal Boiro Voleibol clasifícase para a Copa a pesar de perder na pista do Arenal Emevé

04 Decembro 2021


Miguel Álvarez.- Xornada agridoce para o Rotogal Boiro Voleibol. Por unha banda, os da Cachada sumaron un punto en Lugo que serve para selar a clasificación para a Copa. Pero, doutra banda, caeron nun derbi de máxima igualdade e alternativas ante un Arenal Emevé que cometeu menos erros que os visitantes. Finalmente, os da cidade da muralla fixéronse cun axustado triunfo por 3-2.
A igualdade foi a tónica desde o inicio. Na primeira manga, o Rotogal Boiro Voleibol sacou proveito do seu acerto ofensivo para marcar diferenzas no tramo medio do set. Xestionou esa renda para golpear primeiro (20-25). Con todo, os visitantes baixaron o seu rendemento no segundo parcial, no que os erros na recepción e a irregularidade, combinados cos escasos fallos cometidos polo Arenal Emevé, propiciaron que os lucenses equilibrasen a balanza (25-23).
Ao Rotogal Boiro Voleibol custoulle meterse no partido no terceiro set e o Arenal Emevé aproveitou a situación para escaparse no marcador (15-9). Con todo, os de Marcelo Benavídez refixéronse e, aos poucos, foron achegándose no luminoso ata que conseguiron voltear o escenario e recuperar a dianteira (26-28).
Os visitantes dominaron o inicio do cuarto set. Pero, no tramo final, mesmo desperdiciaron unha bóla de partido (23-24). El Arenal Emevé aproveitou a súa seguridade no saque para enviar o encontro ao desempate (26-24). O Rotogal Boiro Voleibol, afogado polos erros na recepción e a irregularidade, acusou o golpe e foi moi inferior aos lucenses no quinto set (15-8).

Arenal Emevé, 3: Paradela, Alzueta, Loeches, Víctor Bouza, Aurelio Rodríguez, Bruschini y Mario
Dovale (líbero). También jugaron Anier Mariño e Raúl Villar.
Rotogal Boiro Voleibol, 2: Gaby del Carmen, Mario Iglesias,José Carlos Romero, Felipe Benavídez,
Renan Levandoski, Gaspar Bitar y Adrián Alves (líbero). También xogaron Ismael Martínez, Pablo
Nieto, Cristóbal Álvarez e Alberto Tubío (líbero).
Sets: 0-1 (20-25), 1-1 (25-23), 1-2 (26-28), 2-2 (26-24) e 3-2 (15-8).
Árbitros: Diego Rodríguez y Rubén Sánchez.
Incidencias:
Partido disputado no Pavillón Municipal de Lugo ante uns 350 espectadores.

Outros artigos

Clamor en Aguiño para esixir a cobertura das prazas médicas

As rúas de Aguiño enchéronse de veciños para reclamar a cobertura "inmediata e permanente" das dúas prazas de medicina familiar no centro de saúde. Cidadáns, representantes políticos e integrantes da plataforma sanitaria uníronse nunha marcha que partiu desde o propio...

+

Uxía Pérez e David de la Fuente, gañadores absolutos da Padrón 10K

Uxía Pérez e David de la Fuente proclamáronse gañadores absolutos da Padrón 10K, unha proba que utilizaron como preparación para o Campionato de España, no que competirán proximamente. A XXII edición da carreira contou cunha gran acollida por parte de atletas e...

+

Publicidade

Revista en papel

Opinión

“Obrigacións e dereitos”. Luís Celeiro

“Obrigacións e dereitos”. Luís Celeiro

Era un gusto falar con el e escoitalo falar, ata que chegaba a hora de pagar. Despois devarios anos, todos esperaban todos os días a que pagara el, pero nunca acontecía o milagre.Era agarrado, un cotroso e conicho como son os coreños. Na taberna pedía do mellor,...