Inicio da terceira edición do Ciclo Victoriano García Martí

04 Decembro 2021

Na tarde deste 3 de decembro deu comezo o 3.° Ciclo Victoriano García Martí, co cal se rende unha homenaxe a un dos referentes literarios da Pobra do Caramiñal que, ademais, é fillo predilecto da localidade. Con esta finalidade, artellouse unha programación diversa que foi inaugurada no Auditorio do Museo Valle-Inclán co coloquio A xeración de Victoriano García Martí no Barbanza, ofrecida por Xoán Pastor Rodríguez Santamaría para, deseguido, dar paso
á presentación da lámina dedicada a García Martí da man do seu propio autor, Manuel Teira Luaces. Ámbolos dous foron introducidos primeiramente pola concelleira da Cultura, Patricia Lojo (PSdeG-PSOE), e Xesús Laíño, colaborador na elaboración da programación.
O ciclo clausurarase no día de mañá, 4 de decembro, coa ruada por distintos lugares da vila a cargo do grupo de baile e música tradicional Xiada, dende as 18.30 horas, para proceder, ás 19.00 horas, coa ofrenda floral ante o busto do escritor na praza García Martí e, posteriormente, desprazarse ata o Auditorio do Museo Valle-Inclán, onde Antonio González Millán impartirá a conferencia As obras completas de Rosalía de Castro nas cartas de Victoriano García Martí, ás 19.30 horas, e efectuarase a presentación da edición facsimilar La tragedia del caballero de Santiago (1925) con Xesús Laíño Briones-Arén, ás 20.00 horas. Trátase dun conxunto de actividades coas cales contribuír á divulgación e
visibilización da obra e figura de García Martí entre a veciñanza, reivindica-lo seu legado e outorgarlle o espazo que merece no panorama cultural galego e, nomeadamente, no da Pobra. Organiza a Concellaría da Cultura xunto co Museo Valle-Inclán, coa colaboración da Deputación da Coruña e da asociación cultural Barbantia.

Outros artigos

Publicidade

Revista en papel

Opinión

“Vergüenza o sinvergüenza”. José Antonio Constenla

“Vergüenza o sinvergüenza”. José Antonio Constenla

Desvergonzado es aquel “que habla u obra con desvergüenza”, y también elque “no muestra vergüenza por cometer acciones que se reputan inmorales”. Yvergüenza es la “turbación del ánimo ocasionada por la conciencia de algunafalta cometida, o por alguna acción deshonrosa...

“Para desfrutar dela”. Luís Celeiro

“Para desfrutar dela”. Luís Celeiro

As festas de verán en Galicia son ledicia, festa, música e baile, verbena e fartura. Pola mañáé outra cousa, os traballadores teñen que respectar o horario e andar dereitiños cara aolugar do traballo. Ou cara ao ordenador que espera coa lámpada acendida e co disco...