O PP colocou a Fernando García Diéguez o fronte dunha nova xestora do partido en Boiro. Diéguez era ata o de agora o número dous dos populares boirenses e ten como obxectivo poñer as bases do equipo que se presentará aos próximos comicios, nos que os conservadores confían en recuperar a alcaldía.
García Diéguez releva deste xeito a Juan José Dieste á fronte do proxecto do PP de Boiro. A partir de agora, Diéguez conta co respaldo da dirección provincial do partido para asumir un reto fundamental.
A xunta directiva do PP coruñés, co seu presidente, Diego Calvo, á fronte, aprobou o pasado venres a constitución desta nova xestora en Boiro co obxectivo de «dinamizar a actividade do partido». Neste sentido, a formación considera «imprescindible» a mobilización de cada unha das agrupacións municipais da provincia.
