Este venres preséntase no Son o volume oitavo dos Episodios Republicanos Barbanzáns

Este 17 de decembro, para Comisión para a Recuperación da Memoria Histórica do Barbanza (CRMHBarbanza) presentará o volume número 8 da colección Episodios Republicanos Barbanzáns, cos que se pon en valor e recuperan os nomes das persoas que foron asasinadas ou represaliadas na Guerra Civil e máis no franquismo.

A presentación será como dixemos este venres 17 na Casa da Cultura de Porto do Son a partir das 20.00 horas.

O episodio número 8, escrito por Manuel Mariño del Río e Xoan Francisco García Suárez, pon o foco en A represión no Ensino na Serra de Outes e Porto do Son.

As persoas interesadas en acudir ao acto, impulsado pola devandita Comisión, deberán reservar praza no correo crmhbarbanza@gmail.com ou ben a través do número de teléfono 664 081 327 ou o mesmo día no lugar do evento.