As actuacións de contacontos regresan unha semana máis ao Centro Cultural Lustres Rivas co espectáculo Corochas, este sábado da man de Xarope Tulú.
Corochas é unha función de pequeno formato dirixida ás persoas máis pequenas da casa (0-6 anos), que combina a narración oral, a manipulación de obxectos e a música. A través do conto acumulativo, da canción e dos xogos de imitación, o espectáculo propón unha viaxe por diversas paisaxes e máis a presentación de diversas personaxes estrafalarias que deben resolver múltiples enredos.
A actividade dará comezo ás 12 horas e está adscrita ao programa de dinamización lingüística da Deputación da Coruña, Lingua a escena.
Para asistir é preciso facer reserva previa:
- Por medio dun correo electrónico a normalizacion@ribeira.gal, co nome e apelidos das persoas que vaian asistir e un teléfono de contacto.
- Por teléfono chamando ao 981835650 de 9 a 14 horas.
