Este 27 comeza en Rianxo un obradoiro cidadán acerca do presente e o futuro da Biblioteca Municipal

O Concello de Rianxo e a Biblioteca Municipal van organizar unha actividade para elixir colectivamente e de xeito colaborativo o futuro da Biblioteca e, tamén, para achegar coñecemento pormenorizado dos servizos e posibilidades que achega o céntrico edificio na actualidade.

O Obradoiro de Participación Cidadá celebrarase os días 27, 28 e 29 de decembro de 10:00 a 14:00 na Biblioteca Municipal de Rianxo.

De “maneira amena e didáctica” as persoas participantes formarán parte da futura re-construción da Biblioteca Municipal, permitíndoselles converterse en arquitectas por un día para achegar as súas ideas e propostas.

Ponde reservar praza no correo biblioteca@concelloderianxo.gal ou no teléfono 981 86 02 72 — 667 185 581.