Esperanza Mara estará o mércores 29 en Rianxo co espectáculo Tecendo os soños

20 Decembro 2021

O vindeiro mércores 29 de decembro celebrarase na Sala Arcos Moldes do Auditorio de Rianxo o concerto infantil Tecendo os soños a cargo de Esperanza Mara (soprano) e Alfredo Susavila (pianista). Será ás 18.00 horas.

Reserva de localidades na sección de reservas da web municipal. A reserva será efectiva cando se confirme dende o auditorio.

Rianxo é un dos trece concellos das comarcas do Barbanza e Sar que participan en Tecendo os soños, xunto con Rois, Brión, Lousame, Muros, Noia, Outes, Padrón, Rianxo e Ribeira e coa colaboración dos Concellos de A Pobra do Caramiñal e Porto do Son. A iniciativa é un proxecto musical que recupera, reivindica e divulga o noso patrimonio musical ligado aos arrolos e ás cancións de berce. Sobre a base destes cantos, que adoitan ser breves, a soprano e profesora noiesa contou coa colaboración de poetas e compositoras/es da nosa terra para alongalos e enriquecelos. O proxecto é tamén un proxecto solidario, posto que o 10% do recadado será doado á Asociación Galega de Heteroplasia Ósea Progresiva (ASGPOH), organización sen ánimo de lucro nacida para dar a coñecer e investigar esta enfermidade ultrarrara. Así mesmo, o proxecto conta coa colaboración de Barbantia.

Outros artigos

Publicidade

Revista en papel

Opinión

“O mar de Foz”. Xulio Xiz

“O mar de Foz”. Xulio Xiz

Para os de terra adentro, a Mariña é territorio especial, de ostensible fervenza industrial e comercial e unha ledicia festeira na que ata as voces dos coros teñen harmónicos de mar. Fun o sábado a Foz, presentar dous libros de historia que honran a súa rica...