En Ribeira unha completa programación espallará o nadal por todas as parroquias

14 Decembro 2021

O Nadal regresa ás rúas do concello de Ribeira cunha completa programación que se espallará por todas as parroquias do municipio e que foi presentada esta mañá pola concelleira de Cultura, María Sampredro: concertos, contacontos, exposicións, espectáculos, etc., encherán un calendario de eventos que culminará coa tradicional cabalgata precedida do percorrido dos Reis Magos por todo o termo municipal a bordo do Bus Real.


Parte da programación infantil-familiar está centralizada no auditorio municipal de Ribeira, onde xa este venres 17 haberá unha sesión de teatro para adultos ás nove da noite a cargo da escola de teatro de Narón coa obra “Noite de Reis” e o sábado o festival de Nadal de Tahume ás sete. Despois desas dúas representacións xa se comezará cunha programación pensada para os nenos e nenas coincidindo coas vacacións escolares de Nadal, que poderán gozar
xa o mércores 22 dos Contos de Nadal de Pedro Brandariz, do Apalpador da Xanela do Maxín ao día seguinte, do espectáculo musical Teatro dos Vieiros o domingo 26, de funcións de monicreques a cargo de Títeres Cachirulo e Títeres Cascanueces, do Mago Rafa, a obra Roedores de Redrum Teatro o domingo 2 de xaneiro ou o Festival de Bailadela, entre outras. Todas elas celebraranse ás sete da tarde no auditorio e con entrada gratuíta.
Ademais os días 24 e 31 de decembro, pero no pavillón do CEIP O Grupo celebraremos pola tarde sendas festas infantís de Noiteboa e Noitevella con entrada gratuíta. Nesta edición tamén queremos dar un protagonismo especial ás actuacións musicais e preparamos un programa de concertos de Nadal que estarán espallados por todas as
parroquias. Comezarán as actuacións este domingo 19 co concerto da orquestra Sons na igrexa de Ribeira, e o concerto da Misela na Igrexa de Bretal.
A estes seguiranlle outra actuación da Misela en Castiñeiras o 22 de decembro, o concerto da Coral Municipal o xoves 23 en Ribeira que ademais suporá a estrea do seu director Chema Ares, o concerto de música clásica do Riobó Quartet na Igrexa de Aguiño o domingo 26, a Misela en Oleiros o 29 de decembro, e a soprano Esperanza Mara o 2 de xaneiro na Igrexa de Palmeira. Todas serán ás 19h agás a actuación en Bretal que será ás 18:00h.
Ademais destas actuacións volvemos a apostar pola música itinerante co programa Rúas Musicais e teremos concertos de grupos locais ao aire libre como Blow, Amores de Barra, Os Juapos e outros, así como de charangas os días 24, 26 e 31 de decembro e 2 e 5 de xaneiro.
Tampouco nos esquecemos de levar a programación infantil a todas as parroquias xa que sabemos que os verdadeiros protagonistas nestas datas son os máis pequenos da casa, e por iso volve o Nadal Pelegrín que estará viaxando por todas elas polas tardes dende o 22 de decembro, que arrancará en Palmeira ata o 4 de xaneiro que rematará en Aguiño. No Nadal pelegrín haberá inchables, visita do carteiro real, obradoiros infantís e un espectáculo sorpresa ademais de música e baile. Os nenos e nenas que acudan ás actividades recibirán unha bolsa de lambetadas e unha rifa para participar no sorteo dos agasallos que realizarán os Reis Magos o día da Cabalgata dende os balcóns do Concello.
Tamén contaremos en Ribeira co tren infantil Expreso de Oriente que percorrerá as rúas os días 24 e 31 de decembro, e cun Recuncho de Nadal que estará situado na praza de Porta do Sol cunha cabaña onde o Pai Noel, o apalpador e o Carteiro Real recibirán todos os días aos nenos e nenas que queiran ir visitalos e recollerán as súas cartas agasallándoos cunha bolsa de lambetadas e unha rifa para o sorteo antes citado.
Durante o Nadal tamén continuamos co programa expositivo na Sala do Centro Cultural Lustres Rivas e o venres 23 de decembro ás sete e media da tarde teremos a inauguración da exposición colectiva Luarada na que participan 17 artistas do grupo Galeoska.
A programación tamén incluirá o 5 de xaneiro a visita do BUS REAL ás parroquias coas súas maxestadades e a celebración da Cabalgata de Reis, da que daremos máis información nos vindeiros días.

Outros artigos

Publicidade

Revista en papel

Opinión

“Unha de ameixa roubada”. Antón Luaces

“Unha de ameixa roubada”. Antón Luaces

Está visto: seis mil euros non é o valor real da cría de ameixa roubada aos mariscadores do pósito de San Antonio, en Cambados, porque a ameixa substraída da batea de preengorde podería multiplicarse por tres ou catro en base ao resultado dos plans de semente que...

“Los menores inmigrantes”. José Castro López

“Los menores inmigrantes”. José Castro López

La inmigración es responsabilidad del Gobierno, pero su única política conocida fue lasobreactuación que montó en Valencia en 2018 para recibir al Aquarius. Desde aquel“golpe de efecto” no se conocen medidas gubernamentales razonables para enfrentarse aeste...