O vindeiro sábado 11 de decembro ao longo de toda a xornada a cultura urbana vai tomar a avenida do Malecón coa primeira edición dun Festival de Inverno que nace coa intención de permanecer no tempo e que nesta convocatoria inaugural estará formado por tres obradoiros e seis concertos gratuítos pensados especialmente para a mocidade.
A presentación do evento contou coas intervencións do alcalde Manuel Ruiz, do concelleiro de Xuventude Javier Sampedro, do técnico deste departamento Mario Vidal, e de Juanma e Alexandre, dous dos mozos que suxeriron ao Concello á idea de poñer en marcha esta iniciativa.
Pola mañá a partir das 12.00 h se desenvolverán obradoiros de estampado de camisetas e gorras, obradoiros de rap, e pola tarde a partir das 16.45 h obradoiros de Dj, Beatbox e Breaking, todos a cargo da Asociación Vella Escola, unha entidade de Noia que é pioneira e referente en Galicia da cultura urbana.
Logo dos obradoiros a partir das 18.00 h comezarán os concertos. O primeiro é un espectáculo multidisciplinar a cargo de Vella Escola, “Itinerario pola cultura hip hop”. Unha función dunha hora na que se representa o nacemento e desenvolvemento da cultura hip hop.
Seguirán os grupos locais “O Rabelo”, “Malayerba Crew”, “O Pirata” e “XeVA & RS”, todos eles usuarios do local de ensaio de Ribeira e moi coñecidos pola mocidade da redonda.
Boyanka Kostova
Para rematar o Festival de Inverno o coñecido grupo de trap galego Boyanka Kostova, formado por Cibrán García (Saibran Yiyi) e Chicho (O Chicho do Funk), considerados os impulsores do twerking rural.
O Festival de Inverno conta coa colaboración da Secretaría Xeral de Política Linguística. O alcalde Manuel Ruiz agradeceu a inquedanza de moitas persoas mozas dispostas a facer e propoñer actividades e destacou algunhas actuacións nas que está inmerso o Concello, como a reforma da Casa da Xuventude ou o deseño dun novo parque
de cultura urbana.
PROGRAMA
Obradoiros de cultura urbana
12.00 h Estampado de camisetas e gorras trucker. Vella escola
13.00 h Obradoiro de Rap. Vella Escola
16.45 h. Obradoiros de DJ, Beatbox e Breaking. Vella Escola
Concertos
18.00 h. Itinerario pola Cultura Hip Hop. Vella Escola
19.30 h. O Rabelo
20.00 h. Malayerba Crew
20.30 h. O Pirata
21.00 h. XeVA & RS
22.00 h: BOYANKA KOSTOVA
